РФ мәгариф министры урынбасары: эш бирүчеләр адаптив һәм өйрәнергә теләге булган хезмәткәрләрне эзли
Эш бирүчеләр хезмәткәрләрне сайлаганда иң төп сыйфат итеп адаптивлылык һәм өйрәнергә теләк булуны атыйлар. Бу хакта бүген РФ мәгариф министры урынбасары Ирина Потехина “Россия мәгарифе " дигән EDU Russia форумында белдерде.
Мәгариф министры урынбасары ата-аналар еш кына: «Иртәгә хезмәт базарында ихтыяҗ булсын һәм көндәшлеккә сәләтле булу өчен баланы нәрсәгә өйрәтергә кирәк?», - дигән сорауны бирәләр.
Потехина фикеренчә, педагогларга яңа методикалар кирәк. “Без матди-техник базага күпме акча салсак, ФДБСны ничек кенә камилләштермәсәк, педагогларыбызга заманча таләпләр нигезендә тиз үзгәрергә ярдәм итмәсәк, без нәтиҗә ала алмыйбыз", – дип йомгаклады ул.
«Казан Экспо» күргәзмә үзәгендә 28 нче февраль – 1нче март көннәрендә EDU Russia «Россия мәгарифе» халыкара мәгариф форумы уза.