Казан лицее укучысы Данил Сибгатуллин Румыниядә узган Халыкара математика олимпиадасында «бронза» алды
131нче лицейның 9 нчы сыйныф укучысы Данил Сибгатуллин ел саен үткәрелә торган Romanian Master of Mathematics Халыкара олимпиадасының бронза медален алды.
Романanian Master of Mathematics олимпиадасы ел саен Бухарестта 2008 елдан бирле үткәрелә. Анда бөтен дөньядан яшь математиклар катнаша. Бу юлы 22 ил үз вәкилләрен җибәрде. Укучылар ике көн дәвамында шәхси биремнәр башкаралар. Турларның һәрберсендә 4,5 сәгать эчендә өч биремне эшләргә кирәк. Олимпиада биремнәре мәктәптә эшләгәннәргә охшамаган һәм иҗади якын килүне таләп итә. Биремнәрнең авторлары -танылган математиклар, шул исәптән россиянекеләр дә бар. Оештыручылар иң оригиналь чишелешләрне аерым билгеләп үтә. Нәтиҗәләр шәхси һәм команда зачетларында ясала. Ярышларның рәсми теле – инглиз теле, ләкин катнашучылар биремнәрне туган телдә алалар.