Яшь татарстанлылар "Глаголица” балалар әдәби премиясе өчен көрәшәчәк
"Глаголица” бәйсез балалар әдәби премиясенең ел саен үткәрелә торган конкурс сезонына гаризалар кабул ителә башлады. Анда Россиядән, якын һәм ерак чит илләрдән, рус һәм татар телләрендә иҗат итүче 10 - 17 яшьлек яшь авторлар катнаша ала.
Конкурс берничә этаптан торачак. Мәсәлән, 4нче октябрьгә кадәр барачак беренче этапта «озын исемлек»не формалаштыру - конкурска җибәрелгән барлык 100 иң яхшы эшне сайлап алу үткәрелә. Алар арасыннан конкурсның «кыска исемлеге»нә керәчәк иң яхшы 60 эш сайлап алыначак. 18 – 22нче ноябрьдә жюри дипломантларны һәм гран-при ияләрен танылган язучылар һәм шагыйрьләр белән бер атналык мастер-классларда билгеләячәк. Жюри әгъзалары - заманча язучылар, шагыйрьләр, тәрҗемәчеләр һәм эссеистлар: Виктор Лунин, Сергей Махотин, Михаил Яснов, Ольга Варшавер, Надежда Ажгихина һәм башкалар.