КНИТУ-КХТИда «Фән уч төбендә" балалар университеты эшли башлады, дип хәбәр итә вузның матбугат хезмәте.
Проектның төп максаты - мәктәптә инженер белгечлекләре белән кызыксынуны үстерергә ярдәм итү. Балалар университетын ачу тантанасында 6 яшьтән 14 яшькә кадәр 400дән артык бала катнашты. Махсус яшь кунаклар өчен фәнни-уен зоналары һәм күп функцияле коворкинг оештырылды.