Казанның Яңа Савин районындагы 177-нче номерлы лицейда WorldSkills дәресе узды

2019 елның 28 марты, пәнҗешәмбе

27нче март көнне Казанның Яңа Савин районының Мусин урамы, 17нче йорт адресы буенча урнашкан 177-нче номерлы лицеенда WorldSkills дәресе узды. Дәресне WorldSkills International башкарма директоры Дэвид Хоуи үткәрде. Ул укучыларга эшче һөнәрләр чемпионаты тарихы, аның кыйммәтләре һәм Казан өчен агымдагы елның август аенда узачак дөнья күләмендәге ярышларны кабул итүнең әһәмияте турында сөйләде. Дәрес башланыр алдыннан 177-нче лицей директоры Илдар Имамов Дэвид Хоуи өчен кабинетлар буенча экскурсия уздырды. Әйтик, йолдызлы кунак лицейда хезмәт дәресләре һәм технологияләрнең ничек узуын карады.