Дәреслекләр экспертизасының яңа кагыйдәләре басылып чыкты

2019 елның 16 апреле, сишәмбе

Мәгариф министрлыгы дәреслекләрнең федераль исемлеген формалаштыруның яңа кагыйдәләрен иҗтимагый фикер алышу өчен бастырып чыгарды. Ул 27нче апрельгә кадәр дәвам итәчәк. Иң  мөһим үзгәреш - дәреслекләрне тикшерү шәхси оешмалардан дәүләт карамагына күчә.

Ягъни, дәреслекләрнең сыйфатын тикшерүнең заказчысы Мәгариф министрлыгы булачак. Ә башкаручы - аңа караган оешма. Шул ук вакытта "рөхсәт" биргән теләсә кайсы дәреслек өчен экспертлар шәхси җаваплылык тотачак. Аларның исемнәрен һәм фамилияләрен нәшер итүче титул битенең әйләнешендә бастырырга тиеш булачак.