Саба районында мәктәп укучылары каникулларда сайтларны булдыру технологияләрен өйрәнделәр

2019 елның 25 июне, сишәмбе

DigitalSuperHero акселераторы кысаларында беренчеләрдән булып Саба районының 6-10 сыйныф укучылары белем алды. 6 көн эчендә балалар сайтларны булдыруның база күнекмәләрен үзләштерделәр һәм туган як тормышы турында беренче проектларны эшләделәр.

Укулар сәләтле балалар өчен Саба интернат-мәктәбе базасында узды. Курста Татарстан Республикасыннан 20 бала булды. Смена кысаларында мәктәп укучылары 4әр кешелек командаларда сайтлар булдыруның заманча технологияләрен өйрәнделәр, параллель рәвештә үз регионы турында мәгълүмат порталларын эшләп чыктылар.