Рөстәм Миңнеханов Президент Академиясенең Җәйге кампусында катнашучылар белән очрашты
Иннополиста «Президент Академиясенең Җәйге кампусы» VIII Халыкара мәгариф форумында катнашучылар белән Татарстан Республикасы Президенты Рөстәм Миңнеханов очрашты. Чарада шулай ук Россия Федерациясе Президенты каршындагы Россия халык хуҗалыгы һәм дәүләт хезмәте академиясе ректоры Владимир Мау, проректоры, Россия Инновацион регионнары ассоциациясе директоры Иван Федотов һәм башкалар катнашты.
Катнашучыларны сәламләп, Рөстәм Миңнеханов билгеләп үткәнчә, Җәйге кампус яшьләр файдалы күнекмәләр ала торган нәтиҗәле мәйданчык булып тора, төрле өлкә экспертлары белән очраша. «Моннан тыш, сезнең өчен яңа танышу мөмкинлеге дә бар. Чөнки сезнең һәрберегез алдынгы идеяләргә ия. Безнең өчен Иннополис - безнең илнең ИТ-үзәкләренең берсе", - диде Татарстан Республикасы Президенты.