Казанда "Интернетта студентлар: куркынычсызлык һәм инициативалар " форумы узачак

26-27 ноябрьдә Казан дәүләт энергетика университеты Татарстан Республикасы Яшьләр эшләре министрлыгы һәм Татарстан Республикасында Террорчылыкка каршы комиссия аппараты белән берлектә Яшьләр эшләре буенча федераль агентлык (Росмолодежь) ярдәме белән "Студентлар Интернетта: куркынычсызлык һәм инициативалар" дип аталган округ форумын үткәрә.
Форум Идел буе федераль округы төбәкләреннән 18-30 яшьлек студентлар һәм вузда яшьләр белән эшләү өчен җаваплы белем бирү оешмаларының яшь хезмәткәрләре өчен оештырыла.

Форумның максаты: экстремизмны профилактикалауның нәтиҗәле коралы буларак яшьләр арасында мәгълүмат куркынычсызлыгы культурасын арттыру өчен шартлар тудыру, социаль, дини, раса, милли һәм башка билгеләр буенча дискриминациягә юл куймау, шулай ук студентларның Интернет челтәрендә яшьләр контентын булдыруда компетентлыгын арттыру.