"Абилимпикс" чемпионатында Татарстанны 98 катнашучы тәкъдим итәчәк

2019 елның 15 ноябре, җомга

18 ноябрьдә Татарстан җыелма командасы Мәскәүгә юл тота, анда 18-22 ноябрьдә инвалидлар һәм сәламәтлекләре буенча мөмкинлекләре чикләнгән затлар арасында һөнәри осталык буенча "Абилимпикс" V илкүләм чемпионатында катнашачак.
Чаралар ВДНХ территориясендә 75 павильонда узачак - башта сайлап алу, аннары финал турлары да узачак. Аларда 98 татарстанлы -  "Абилимпикс" чемпионатының төбәк этабында җиңүчеләр катнашачак.