"Ветеринария" компетенциясе буенча WorldSkills төбәк чемпионаты Буада узачак
Республиканың Буа ветеринария техникумында "Ветеринария" компетенциясе буенча WorldSkills төбәк чемпионаты башланды.
Ярышларда катнашучыларны Татарстан Республикасы Авыл хуҗалыгы һәм азык-төлек министрлыгының Мәгариф һәм инновацион технологияләр бүлеге башлыгы Рузалина Вәлиуллина сәламләде һәм эшче һөнәрләрнең абруен күтәрү өчен чемпионатны үткәрүнең мөһимлеген ассызыклады.
Конкурста 11 кеше катнашты, шуларның 5се – юниорлар.Ярышлар өч көн дәвамында узачак, балаларга җиде бирем үтәргә туры киләчәк, аерым алганда, лаборатор тикшеренүләр, хайваннар һәм үсемлек чималына ветеринария-санитария экспертизасы үткәрү, хайваннарны беренчел карау. Төбәк чемпионаты 13 ноябрьдән 7 декабрьгә кадәр 16 яшьтән алып 22 яшькәчә булган 96 компетенция буенча үткәрелә.