Күпмилләтле якшәмбе мәктәпләре укучылары фестиваленә йомгак ясалды

2019 елның 23 ноябре, шимбә

22 ноябрьдә Татарстанның Халыклар дуслыгы йортында республикадагы күпмилләтле якшәмбе мәктәпләре һәм этномәдәни компонентлы  мәктәп укучылары фестиваленең гала-концерты узды. Җиңүчеләрне бүләкләү тантанасында ТР Премьер-министры урынбасары – мәгариф һәм фән министры Рафис Борһанов катнашты.

Фестивальнең Гран-приена Балтач районы Урта Көшкәт урта гомуми белем бирү мәктәбенең "Инвожо" фольклор ансамбле лаек булды (җитәкчеләре-Виктор Камаев, Лилия Чирикова).