Татарстан укучыларын химия буенча академик П.Д.Саркисов исемендәге төбәкара олимпиадада катнашырга чакыралар

2019 елның 26 ноябре, сишәмбе

Химия буенча укучыларның төбәкара олимпиадасында катнашу өчен 9,10,11 сыйныф укучылары чакырыла. Олимпиадада җиңүчеләр һәм призерлар БДИның суммар баллына тәңгәл рәвештә 10 һәм 7 балл алалар.
Олимпиаданы оештыручылар - Д.И. Менделеев исемендәге Россия химия-технология университеты һәм И. М. Губкин исемендәге Россия дәүләт нефть һәм газ университеты.
Олимпиада ике этапта узачак: сайлап алу (online) һәм йомгаклау (көндезге). Сайлап алу этабы (Интернет-тур) 2019 елның 18 ноябреннән 2020 елның 10 гыйнварына кадәр үткәрелә һәм үз эченә химия буенча биремнәрне үтәүне ала.