КФУ "Төн формуласы"на чакыра

2019 елның 27 ноябре, чәршәмбе

2 декабрьдә КФУның икенче уку корпусында 17.00 сәгатьтә "PROНаука КФУда"  фәнни-популяр проектының "Төн формуласы" дип аталган XI сериясе башлана. Бу юлы " Университеттагы төн"  математика фәненә багышланган. Ул Н.И. Лобачевский исемендәге Халыкара премия һәм медаль тапшыру тантанасы белән бер көнне булачак.

Программада – КФУ галимнәре һәм укытучылары тарафыннан фәнни-популяр лекцияләр, белем бирү интерактивлары, конкурслар, мастер-класслар, фәнни-популяр әдәбият күргәзмә-ярминкәсе, фуд-корт.