"ВКонтакте" социаль челтәрендә Россия Мәгариф министрлыгының "Өй сәгате" онлайн-марафоны дәвам итә
2 апрель көнне Мәгариф министрлыгының "Өй сәгате" онлайн-марафонын трансляцияләү сериясен 10:00 сәгатьтә су полосы буенча Олимпия уеннары призеры Ирек Зиннуров ачып җибәрә. Ул тамашачылар белән "Өй шартларында физик әзерлек дәресе" темасы буенча фикер алышачак, шулай ук тыңлаучылар сорауларына җавап бирәчәк.
Аннары 12:00 сәгатьтә онлайн-марафонда Россия Президенты каршындагы рус теле советы әгъзасы Ольга Ребковец катнашачак. Аның темасы - "Грамоталылыкны тикшерәбез: рус телен ничек дистанцион өйрәнергә".
"Өй сәгате" онлайн-марафонының киләсе спикеры 14:00 дә математика укытучысы Ольга Киселёва булачак. Ул "БДИда функция" темасын ача.
16:00дә Ворлдскиллс стандартлары буенча белем бирү процессларының дистанцион формалары турында WorldSkills Russia генераль директоры урынбасары Алексей Тымчиков сөйләячәк.