Россия һәм БДБ илләре укучылары өчен "Блогерлар мәктәбе" конкурсы башланды
Росхезмәттәшлек һәм "Бергәләп эшлибез!" хәрәкәте урта һәм өлкән сыйныф укучылары өчен "Блогерлар мәктәбе" халыкара конкурсын үткәрә.
Конкурс 1 апрельдә башланды һәм 15 июньдә тәмамланачак. "Ул 11-17 яшьлек Россия һәм БДБ илләре мәгариф учреждениеләре укучыларына юнәлдерелгән. Конкурс экспертлары арасында популяр блогерлар һәм танылган экспертлар чыгыш ясаячак", - диделәр Росхезмәттәшлектә.
Конкурста шулай ук мәгариф учреждениеләре укытучылары һәм администрация хезмәткәрләре катнаша алачак. Оештыручылар сүзләренчә, конкурсның максаты - коммуникатив һәм иҗади күнекмәләрне, медиаграмоталылыкны үстерү, мәктәп укучылары арасында интернетта үз-үзеңне тоту культурасын күтәрүгә ярдәм итү. Анда катнашу өчен "Бергә эшлибез!" хәрәкәте порталында теркәлү узарга кирәк.