Татарстанда балалар бакчаларына дежур төркемнәргә йөрүче балалар саны арткан

Татарстанда балалар бакчаларына дежур төркемнәргә йөрүче балалар саны арткан. Бу турыда республика мәгариф һәм фән министры Рафис Борһанов хәбәр итте.

Мәгариф һәм фән министры Татарстанда ата-аналары эшкә чыгарга мәҗбүр балалар өчен дежур төркемнәр эшләвен дәвам итүен әйтте.

«Алар республиканың тормыш эшчәнлеген тәэмин итә торган ата-аналарның балаларын кабул итә. Бүген андый балалар саны артты, чөнки эшкә чыккан татарстанлыларның өстәмә категориясе барлыкка килде. Бу исемлек алга таба да артачак дип уйлыйм», — диде Рафис Борһанов.