Россия Мәгариф һәм фән министрлыгы студентларны эш белән тәэмин итүне оештыру программасын эшли
РФ Фән һәм югары белем министрлыгы университетлар базасында студентларны эш белән тәэмин итүне оештыру программасын эшли. Иртәгә ведомство башлыгы Валерий Фальков COVID-19 инфекциясе таралуны кисәтү шартларында белем бирү эшчәнлеген оештыру буенча эшче төркем утырышы барышында Россия университетлары ректорлары белән инициатива турында фикер алышачак.
"Пандемия фонында университетлар үзләренең социаль миссиясен сакларга һәм көчәйтергә тиеш. Россия Мәгариф һәм фән министрлыгы югары уку йортлары белән бергә студентларга ярдәм итү чараларын эшләде. Бу катлаулы ситуациядә университетлар үз студентлары өчен эш бирүчеләр булачак. Пилот проектлар Ерак Көнчыгыш федераль университетында, Томск дәүләт университетында һәм Канта исемендәге Балтыйк федераль университетында эшләтеп җибәрелде. Программага төбәкләрдә эре индустриаль партнерлар кушыла: алар студентларны эшкә алырга әзер. Якын арада бөтен ил буйлап студентлар өчен вакансияләр банкы эшләтеп җибәрелер дип өметләнәбез, - диде РФ фән һәм югары белем министры Валерий Фальков.