Россия мәктәп укучылары хәрәкәте балалар өчен белем һәм күңел ачу онлайн-чаралары уздыра
Россия мәктәп укучылары хәрәкәте төрле белем һәм күңел ачу онлайн-чаралары оештыра, алар эпидемиологик вәзгыять шартларында өйдәге укучыларга вакытны файдалы итеп үткәрергә, белемнәрен тулыландырырга һәм үзләрен күрсәтергә мөмкинлек бирәчәк.
«Яхшылап аңлатыгыз!» проекты кысаларында көн саен 16:00 сәгатьтә Мәскәү вакыты белән «Инстаграм» социаль челтәрендә (@skm_rus) Россия мәктәп укучылары хәрәкәтенең рәсми аккаунтында Россиянең әйдәп баручы галимнәре һәм белгечләре катнашында турыдан-туры эфирлар уза: алар үз тармакларында хәзер нинди бурычлар хәл ителүе һәм аларның эше кешеләр тормышына ничек тәэсир итүе турында сөйлиләр.
"Өйдә файда белән" проекты - ул "ВКонтакте" социаль челтәрендәге РДШ рәсми төркемендә иң танылган Россия театрлары, концертлары, фәнне популярлаштыру чаралары спектакльләрен көн саен трансляцияләү.
«ВКонтакте» социаль челтәрендә РДШ рәсми төркемендә шулай ук «РДШ спорт өчен» онлайн-марафоны уза: танылган спортчылар мәктәп укучылары белән видеотренировкалар белән уртаклаша, ә балалар, үз чиратында, #РДШзаСпорт хештегы астында өйдә спорт белән шөгыльләнүләре турында хисап ясый. Марафон нәтиҗәләре буенча иң актив катнашучылар бүләкләр алачак.