КНИТУ-КАИ Татарстан мәктәпләренә планшетлы компьютерлар тапшырачак

2020 елның 13 апреле, дүшәмбе

Университет 20 планшетлы компьютерны укучыларында дистанцион уку өчен гаджетлар булмаган мәктәпләргә бирәчәк. Планшетларда кирәкле барлык программалар да урнаштырылган. Җайланма интернетка wi-fi аша да, мобиль челтәрләр аша да кушылырга мөмкин.
Искәртеп узабыз, моңа кадәр Татарстан Президенты Рөстәм Миңнеханов ТР Мәгариф һәм фән министрлыгына күп балалы гаиләләрдәге укучыларны планшетлы компьютерлар белән тәэмин итәргә йөкләде.