"Земский учитель" программасында катнашу өчен 30 меңгә якын гариза тапшырылган
Эпидемиологик вәзгыятькә карамастан, Россия Федерациясе Мәгариф министрлыгы Россия Президенты инициативасы белән "Земский учитель" программасын гамәлгә ашыруны дәвам итә, ул 2020 елның гыйнварында Россиянең барлык төбәкләрендә старт алды һәм педагогик бергәлеккә ярдәм итүгә юнәлдерелгән. Программада катнашучылар - халкы 50 меңгә кадәр булган шәһәр тибындагы посёлоклар, эшчеләр поселоклары, авылларга кимендә биш елга эшкә кайткан укытучылар 1 миллион сум күләмендәге компенсация алачак.
2020 елда ук программа буенча вакансиядә катнашкан укытучыларга 1803 бер тапкыр бирелүче компенсация түләүләрен тормышка ашыру планлаштырыла.
Хәзерге вакытта Россия Федерациясе субъектлары программада катнашуга гаризалар кабул итүне дәвам итә. Тәкъдим ителгән кабул итү срогы - 15 апрельгә кадәр, һәр төбәк аны мөстәкыйль рәвештә билгели ала. Хәзергә “Земский учитель” мәгълүмат системасында 29 472 гариза бирелгән.