2020 елда педагогларның квалификациясен күтәрүгә 360 миллион сумнан артык акча юнәлдереләчәк
"Мәгариф" милли проекты кысаларында Россия Мәгариф министрлыгы тормышка ашыра торган грант ярдәме белән быел укытучыларга ярдәм итү һәм квалификация күтәрү өчен төбәкләр 360 миллион сумнан артык акча алачак.
"Киләчәк укытучысы" илкүләм проектының "Мәгариф" федераль проекты кысаларында үткәрелә торган конкурс детальләре конкурс программасының операторы - Мәгарифне үстерүнең яңа рәвешләре фонды тарафыннан тәкъдим ителде. Конкурс педагогик хезмәткәрләргә өзлексез һөнәри белем бирүне үстерүгә юнәлдерелгән. Быел 22 программа булдыру планлаштырыла, анда 2170 кеше җәлеп ителәчәк. Моннан тыш, югары уку йортлары базасында педагогларны озата баруның өч фәнни-методик үзәге ачылачак, илнең 85 төбәге өчен педагогик осталыкны арттыруның тугыз оешмасында гомуми белем бирү системаларын әзерләү һәм үстерү буенча нәтиҗәле программалар эшләнәчәк һәм гамәлгә кертәчәкләр.