«Татарстан-24» каналында бүген «Белем дөньясы» программасының яңа чыгарылышы күрсәтеләчәк

2020 елның 8 мае, җомга

Бүген «Татарстан-24» телеканалында «Белем дөньясы» программасының яңа чыгарылышы күрсәтеләчәк.

8 майда 18:30да күрсәтеләчәк чыгарылышта  дистанцион белем бирүнең беренче нәтиҗәләре турында, балалар һәм өлкәннәр нинди проектларда катнашырга өлгергәннәр, мәктәп яшендәге 14 баласы булган гаилә онлайн-укытуга ничек  җайлаша алуы хакында сөйләячәкләр.

Әгәр дә сез программаны җомга көнне карарга өлгермәсәгез, телевизорны шимбә көнне - 8:30да һәм сишәмбе көнне - 9:30 һәм 12:30 да кабызырга мөмкин.

«Белем дөньясы» тапшыруы татар телендә чыга, әмма рус телендәге субтитрлар белән алып барыла. Тапшыру Татарстан Республикасы Мәгариф һәм фән министрлыгы заказы буенча әзерләнелә.