Төркия олимпиадасын күрәсе килә

Төркиянең Казандагы генераль консулы Ангылы Сабри Тунч Казан (Идел буе) федераль университетның филология һәм сәнгать институтында мөгаллимнәр, студентлар белән очрашты.
Бүген институтта белем алган 4 меңнән артык сту¬дент¬ның 200дән артыгын чит ил яшьләре тәшкил итә. Шу¬ларның 14 е –Төркиядән. Уз¬ган ел рус филологиясенә генә аннан 8 студент укырга килгән. Институт өчен бу көтелмәгән хәл булган. “Төрек яшьләре максатчан, тырыш, үзара дуслар. Алар инглиз телен беренче курстан ук укырга теләк белдерделәр. Ул исә икенче курста керә башлый. Шушы проблеманы җиткер¬гәч, без аларга ярдәм итү юлын эзләргә керештек. Программаны тиз генә үзгәртү мөмкин түгел. Бишенче курста бары тик “5”ле билге¬ләренә генә укучы студентны бушлай инглиз телен өйрә¬тергә билгеләдек”, – ди рус филологиясе бүлеге мө¬дире Резеда Мөхәммәтшина.Төрек студентлары рус һәм татар телләрендә сөйләшә.
Институт җитәкчелеге Төр¬кия белән бәйләнешләр¬нең тагын да ныгуын тели. Бу яктан әлеге ил галимнәре белән элемтәләр урнаштырылган инде. Директор Рәдиф Җама¬лет-диновның Төркиягә төрек теле буенча халыкара олимпиадага барып, тәҗрибә туплап кайтасы килә. Чөнки анда ул зур бәйрәм төсмере ала икән. Шунысын әйтергә кирәк, узган ел КФУда беренче тапкыр татар теле буенча халыкара олимпида узган иде. Консул исә аның дәүләт дәрәҗәсендә тәэмин ителүен билгеләп үтте.
– Төркиядә татар филологиясе буенча аерым бүлек юк. Ул төрки диалектлар буларак укытыла. Әмма әлеге юнәлеш буенча укырга, укытырга те¬ләү¬челәр бар. Миңа калса, аларның эш урыны шушы институттадыр. Төркия белән Татарстан арасында элемтәләр югары дәрә¬җәгә җитте. Әлбәт¬тә, аның икътисадый ягы – иң мөһиме. Әгәр Төркия галим-нәре, вузлары белән элемтәләр урнаштырырга телисез икән, без булышырга әзербез, – диде Ангылы Сабри Тунч.