Тәтеш районында капиталь ремонттан соң, “Миләшкәй” балалар бакчасы ачылды

Тәтеш муниципаль районында капиталь ремонттан соң “Миләшкәй” балалар бакчасы ачылды. бирегә барлыгы 155 бала йөри.
-1981 елдан алып “Миләшкәй” ел саен җиңелчә генә ремонтланган. Без район җитәкчелегенә бик тә рәхмәтле, хыялыбыз тормышка ашты – төзүчеләр бакчабызны тулы тәртипкә китерде. Тәрәзәләр, ишек¬ләр алыштырылды, канализация һәм су үткәрү системалары ремонтланды, янгын сүндерү гидранты урнаштырылды, – ди бакча мөдире Тать¬яна Лубганс. – Медкабинет тиешле таләпләргә туры китереп җиһазландырылды, изолятор булдырылды. Зур күләмдә бизәү эшләре башкарылды. Ата-аналар да ремонтка җавап¬лы карадылар һәм безгә зур булышлык күрсәттеләр Бездәге балаларны үз канатлары астына алган “Әкият”, “Сабый”, “Теремкәй” һәм бигрәк тә “Каенкай” хезмәткәрләренә рәхмәтебез зур. 77 баланы әби-бабасы һәм туганнары карап торды. Коллективыбыз зур түгел, әмма без бакчаны ачарга әзерлек барышында аеруча тырышып эшләдек. Киләчәктә дә балаларыбызның әти-әниләре белән бүгенгедәй якыннан аралашып яшәрбез, нәниләребезнең сәламәтлеге, физик һәм рухи үсеше, тәрбиясе турында бергәләшеп кайгыртырбыз, дип уйлыйм.
Район башлыгы Валерий Чершинцев ремонт эшләрендә катнашкан һәркемгә – төзүчеләргә эшне тиз тотканнары, ата-аналарның сабырлыгы өчен рәхмәт белдерде, бигрәк тә төзүчеләр белән иңгә-иң торып эшләгән бакча коллективы хезмәтен аерым билгеләп үтте һәм аларны Рәхмәт хатлары белән бүләкләде.
Фото http://www.lawinrussia.ru сайтыннан