Теләче районының белем бирү учреждениеләре кыска вакыт эчендә ягулык системасын яңартуга ирешкән

Биредәге 50 бакча һәм мәктәпнең 33ендә заманча пар казаннары биналары булдырылган, искеләре үзгәртелгән. Котельныйларны заманчалаштыру нәрсә бирә икән соң?
– Моңа кадәр кулланышта булган “Гранит”, “Сарзем” кебек иске казаннар бөтенләй тузган иде инде. Шуңа күрә жылылык системасында югалтулар күп булды. Ремонт та башкарылмады. Кышын бигрәк тә Теләче, Кече Нырсы мәктәпләрендә салкын була иде. Хәзер бу проблема хәл ителде, – ди Теләче районы мәгариф бүлеге башлыгы Рөстәм Гарипов.
Яңа пар казаннары урнаштыру җылылыкка чыгымнарның 40 процентын янга калдырырга ярдәм итәчәк. Шул рәвешле бу төр җиһазларны сатып алуга киткән миллионлаган чыгымнар берничә елдан үз бәясен аклаячак. Кирпеч биналарда урнашкан котельныйларның күбесе калмаган инде. Хәзер алар мәктәпнең бер почмагында урнашкан. Аны газ җайланмасы урнаштырылган бер почмак дисәң дә була. Анда җылылык үткәрүче трасса да юк. Бу инде – су югалтуларга юл куелмый дигән сүз. Шулай ук яңа исәпләү җайланмалары урнаштырылган, диспетчерлаштырылган. Нигездә алар операторсыз эшли. Әлеге котельныйларны “Тепло” дигән предприятие эксплуатацияли. Мәктәптә яки бакчада ут беткән очракта, әлеге мәсьәлә тиз арада хәл ителә.
Хәзерге вакытта Балыклы, Ямбулат, Тиләҗе һәм башка мәктәпләр котельныйларын яңар-ту эшләре бара. Яңа ягулык сезонына кадәр эш тәмамланыр дип көтелә. Шулай ук Кара Ширмә, Кече Нырсы, Түбән Саурыш, Мирәтәк башлангыч мәк¬тәпләрен газга күчерү планлаштырыла. Кыскасы, Теләче районындагы тәҗрибәне башка районнар да куллана ала. Аларның уңышын көз көне Арчада узган семинарда ТР мәгариф һәм фән министры Энгель Фәттахов та хуп¬лаган иде. Ә күптән түгел республикада 30 меңнән артык бюджет оешмасы арасында узган “Энергопартнер” дигән бәйгедә Теләче белем бирү учрежде-ниеләре электр энергиясен сакчыл тоту буенча беренче урынны алды.