Мәгариф министрлыгы спортка багышланган Бөтенроссия ачык дәресе үткәрәчәк
Мәгариф министрлыгы "Мәгариф" илкүләм проектының "Һәр баланың уңышы" проекты буенча Бөтенроссия ачык онлайн-дәресләр циклын дәвам итә. Аның максаты - укучыларга һөнәри юнәлеш бирү.
Дүшәмбе көнне, 19 октябрьдә узачак өченче дәрес темасы - «Спорт - ул тормыш». Укучылар спорт индустриясе һөнәрләре, спорт мәктәпләре һәм олимпия резервы мәктәпләре эше турында беләчәк. Дәреснең мәйданчыгы итеп "Лужники" Олимпия комплексының Зур спорт аренасы сайланды. Аны оештыру буенча Мәгариф министрлыгы партнеры - Россия мәгариф академиясенең балачакны, гаиләне һәм тәрбияне өйрәнү институты.
Үткәрү көне һәм вакыты: 19 октябрь (дүшәмбе), 14:00
Адресы: Мәскәү шәһәре, Лужники ур., 1 йорт (Зур спорт аренасы)
Туры эфирны трансляцияләү проектның рәсми сайтында: открытыеуроки.рф һәм социаль челтәрләрдә алып барылачак.