Яңа алтын медаль нинди булачак
Мәгариф министрлыгы "Укуда аерым уңышлар өчен" медале дизайнын үзгәртте.
Приказда болай язылган: медаль сары металлдан салкын штамповка ысулы белән ясала.
Исегезгә төшерәбез, мәктәпне тәмамлаганда алтын медаль уку алдынгыларына бирелә. Кызыл аттестат алу алай ук җиңел түгел: үз белемнәреңне рус теле (70 балл) һәм математика буенча (профильле - 70 балл яки база - "яхшы") БДИда югары баллар белән расларга кирәк.
Яңа медаль нинди булачак? Бу сары металлдан ясалган алтынсу төстәге диск. Алгы ягында - РФ Дәүләт гербының рельефлы сурәте. Арткы якта сул яктан башлап өске өлешендә әйләнә буйлап "Укуда аерым уңышлар өчен" дип язылган. Уртада - үзәктән чыккан нурлар фонында ачыла торган китапның стилизацияләнгән сурәте. Әйләнешнең аскы өлеше буенча китап декоратив пальма ботагы белән уратып алынган. Китап үрелешендә җитештерүче оешманың товар билгесе урнашкан.
Ведомство приказында "медаль РФ Дәүләт гербы сурәте төшерелгән кызыл төстәге пластик футлярга төрелә" дип язылган.