Татарстанның «Юнармия» командасы быел Россиядә иң яхшы дип табылды

2020 елның 3 ноябре, сишәмбе

«Юнармия» хәрәкәтенең төбәк бүлеге 2020 елгы бөтенроссия смотр-конкурсында җиңүче булды. 

2019 ел белән чагыштырганда, Татарстан «Юнармия»сенең позициясе ике пунктка яхшырды.

Смотр-конкурста барлыгы 60 төбәк катнашты. Аларны 30дан артык юнәлеш буенча, шул исәптән хәрби-патриотик эшчәнлек һәм хәрби-спорт чаралары уздыру буенча, бәяләделәр.

Чара нәтиҗәләре буенча ТР «Юнармия»се 1 089 балл җыйды. Аның артыннан Калуга өлкәсе бүлекчәсе 848 балл белән, ә Ставрополь краеның «Юнармия» командасы 801 балл белән өченче урынны алды.

Иң яхшы ун команда арасына  Мәскәү һәм Вологда өлкәләре, Мәскәү шәһәре, Красноярск крае, Чувашия, Кемерово һәм Ростов өлкәләре бүлекчәләре кергән.