Мишустин мәктәпләрдә сыйныф җитәкчеләренә ярдәм итү чараларын киңәйтте

2020 елның 11 ноябре, чәршәмбе

РФ Президенты Владимир Путин йөкләмәсе буенча, Министрлар Кабинеты укытучыларга ярдәм күрсәтүне киңәйтте - сыйныф җитәкчелеге өчен түләүләрне хәзер Россиянең барлык мәктәп укытучылары алачак. 

Сыйныф җитәкчелеге өчен түләүне Россиянең барлык мәктәпләре укытучылары алачак. Бу хакта карарны Хөкүмәт рәисе Михаил Мишустин имзалады.

Хәзер федераль башкарма хакимият органнары карамагындагы мәгариф учреждениеләре педагогларына да 5 мең сум күләмендә акча каралган. Мәсәлән, бирегә Тышкы эшләр министрлыгы, Мәдәният министрлыгы, Транспорт министрлыгы, Гадәттән тыш хәлләр министрлыгы керә.