"Юнармия" Татарстанда балалар иҗаты үзәкләре булдырырга тели
Татарстан "Юнармия"се республиканың һәр районында балалар иҗаты патриотик үзәкләре булдырырга тели. Аларны инде булган Балалар иҗаты үзәкләре базаларында булдырачаклар, тик аларның эшчәнлегендә басым хәрби-патриотик темага ясалачак. Бу хакта “Татар-информ” мәгълүмат агентлыгы хәбәрчесенә Татарстан Республикасында “Юнармия” төбәк штабы башлыгы Александр Бородин сөйләде.
“Без Татарстанның һәр муниципалитетында Балалар иҗаты үзәген патриотик тәрбиягә басым ясап ясарга телибез”, - дип аңлатты агентлык әңгәмәдәше. "Юнармия" вәкиле билгеләп үткәнчә, Казанда "Динамо" стадионы янында урнашкан "Алиш" БИҮ шундый үзәк булган. Хәзер анда 9нчы сыйныфта 11нче сыйныф укучылары өчен башлангыч хәрби әзерлек буенча дәресләр уздырыла. Мәктәп укучылары өчен төбәкне өйрәнү, хәрби тарих, сәнгать иҗаты түгәрәкләре һәм башкалар эшли.