Мәктәптә туклануның сыйфатын күтәрүгә юнәлдерелгән яңа проектка старт бирелде

2020 елның 1 декабре, сишәмбе

Россия мәктәп укучылары хәрәкәтенең  яңа проекты булган «Шеф в школе: Перезагрузка школ питания» - мәктәпләрдә сыйфатлы, сәламәт һәм баланслы кайнар туклану оештыру буенча Россия Мәгариф министрлыгының масштаблы эшенең бер өлеше. Проектның максаты - мәктәп ашханәләре эшен камилләштерү өчен балаларны, ата-аналарны, мәктәп җитәкчеләрен һәм экспертлар бергәлеген бер мәйданчыкта берләштерү. Аны тәкъдир итү танылган шеф-повар Константин Ивлев катнашында Одинцово шәһәренең 17 нче мәктәбендә узды.

Якын арада «Шеф в школе: Перезагрузка школ питания» проекты илнең төрле төбәкләренә таралачак. Укучылар  үз мәктәпләрендә туклану мониторингы үткәрәчәк, иң яхшы тәҗрибәне ачыклаячак һәм проблемалы сорауларны билгеләячәк.