Татарстан ECCE 2020 Халыкара конференциясенең фокус-төбәге булачак
Иртәгә, 10 декабрьдә 10:00 сәгатьтә «Кече яшьтәге балаларны тәрбияләү һәм укыту» 10 нчы Халыкара конференциясе (ЕССЕ 2020 Онлайн) үз эшен башлап җибәрә. 2020 елда ECCE конференциясе беренче тапкыр онлайн-форматта узачак. Программада Швеция, Австралия, Бөекбритания, АКШ, Нидерланд, Норвегия спикерлары, Россия һәм БДБ илләреннән катнашучылар - барлыгы 20 000 кеше чыгыш ясаячак.
Фәнни һәм гамәли секцияләр, симпозиумнар, мастер-класслар кысаларында экспертлар балачак өлкәсендәге иң яңа тикшеренүләр нәтиҗәләре белән уртаклашачак; балалар тәрбияләүдә һәм белем бирүдә өр-яңа педагогик алымнарны күрсәтәчәкләр, тәҗрибә белән уртаклашачаклар; мәгарифтә бүген пандемиягә бәйле рәвештә уза торган мәҗбүри трансформацияләр турында фикер алышачаклар.
ECCE 2020 конференциясенең фокус-төбәге - Татарстан Республикасы. Казан, Чаллы, Әлмәт, Түбән Кама, Чистай һәм республиканың башка районнарында балалар бакчаларында мәктәпкәчә яшьтәге балаларны тәрбияләү һәм укыту өлкәсендәге уңышлар белән таныштырачаклар.