Биектауда яшь армиячеләр өчен батырлык дәресе узды
Биектау районының Шәпше урта гомуми белем бирү мәктәбендә батырлык дәресе үткәрелде. Яшь армиячеләр Бөек Ватан сугышының иң әһәмиятле сугышлары турында инсталляция әзерләгән. Балалар эшен бәяләргә сугыш хәрәкәтләре ветераннары һәм хәзерге хәрбиләр килде.
Шәпше малайлары инициативасын укытучылар, укучылар һәм ата-аналар хуплады.
Ваня Платов бишенче сыйныфта укый һәм Сталинград сугышының барлык нечкәлекләрен бик яхшы белә. Үзенең сыйныфташлары белән бергә ул күргәзмәгә әзерләнә һәм Бөек Ватан сугышы тарихын өйрәнгән.
Шәпше мәктәбе директорының тәрбия эшләре буенча урынбасары Гүзәл Шакирова сүзләренчә, үзенең педагогик хезмәтендә барлык укытучылар да патриотик тәрбиягә игътибар итәргә, моңа зур басым ясарга тырышалар.
«Балаларның илебезнең тарихын белүләрен телим, сугыш дәһшәтләре кабатланмасын иде», — дип уртаклашты Гүзәл Шакирова.
Татарстан ветераннары укучыларны тынычлыкта яшәүләрен, башка халыкларның мәдәниятен һәм традицияләрен хөрмәт итәргә өндәде.