Татарстанда сәләтле укучыларны химияне тирәнтен өйрәтүле лицей-интернатка җыялар

Казан илкүләм технология тикшеренү университеты Татарстан Республикасы сәләтле укучыларын химияне тирәнтен өйрәтүле лицей-интернатка өстәмә (бәйге аша) җыю турында хәбәр итә.
Бәйгедә катнашу өчен, химияне тирәнтен өйрәнергә, шулай ук математика, физика, биология буенча хәзерлек үтәргә теләүче 6-9 нчы сыйныф укучылары чакырыла.
Сайлап алу буенча сынауларда гариза-анкета; туу турында таныклык, медицина картасы, сертификатлар, бүләкләр һәм башка документлар күчермәләрен китергән укучылар катнаша ала. Документлар 8 апрельдән 22 апрельгә кадәр кабул ителә.
Бәйге 3 өлештән тора. Дистанцион этап он-лайн тестлаштыру рәвешендә 22 апрельдән 6 майга кадәр үткәрелә. Тестлар Казан илкүләм технология тикшеренү университеты сайтының “Абитуриентка” бүлегендә урнаштырылган.
Икенче этапта сайлап алу комиссиясе тарафыннан һәр предмет һәм һәр категория өчен билгеләнгән чикне үткән укучылар катнаша ала.
Казанда узачак этап предмет олимпиадасы рәвешендә 13-14 май көннәрендә уза. 8-9 нчы сыйныфларны тәмамлаучылар – химия һәм математика, 7 нче сыйныфлар өчен – физика һәм математика, 6 нчы сыйныфлар өчен биология һәм математика предметлары сайлап алынган.
19-22 май көннәрендә бәйгедә катнашучылар белән әңгәмә уздырылачак. 23 майда лицей-интернатка укырга алу өчен тәкъдим ителгән укучылар исемлеге билгеле булачак.