Россия һәм Төркия укучылары татар теле буенча олимпиада Гран-при алдылар

2026 елның 16 апреле, пәнҗешәмбе

Татар теле буенча XIII Халыкара олимпиада Гран-при ияләре билгеле. Аларның исемнәрен бүген Казан «Корстон» комплексында бүләкләү тантанасында игълан иттеләр.

Гран-при ияләре: Казаннан Мөслимә Әдиева,  Пермь краеннан Нәргиз Монасыпов, Төркиядән Нурбикә Нәҗипова.

Олимпиадада Россиянең 30 төбәгеннән һәм биш чит илдән 500 укучы катнашты.

Финал этабы өч турда үтте:

язмача - татар теле һәм әдәбияты буенча биремнәр үтәү;

телдән - татар теле, әдәбияты, шулай ук татар халкы һәм Татарстан тарихы буенча биремнәр;

Габдулла Тукай һәм Муса Җәлилгә багышланган проект эшләрен яклау.