Узган ел «Финанс белеме нигезләре» программасы буенча 280 мең укучы белем алган
Өч ел эчендә «Финанс белеме нигезләре» программасы буенча укучыларның саны биш тапкырга артты. Бу хакта Мәгариф өлкәсендә цифрлы трансформация федераль институты директоры вазифаларын башкаручы Людмила Бокова "Цифрлы гыйлемлелекне арттыру методикалары" семинарында хәбәр итте.
Чараны оештыручы – Финанс белемен үстерү ассоциациясе.
Людмила Бокова белем бирү оешмаларында дистанцион курслар һәм интерактив викториналар үткәргән вакытта мәктәптә цифрлы мөмкинлекләрне файдалану турында сөйләде.
«Бу тема буенча өйрәтү курслары уздырганда аудиторияне колачлау елдан-ел арта баруын билгеләп үттек. Мәсәлән, 2018 елда 51 мең укучы белем алды, 2019 елда алар 126 мең иде. 2020 елда финанс белеме буенча курслар дистанцион форматта үткәрелде, ә катнашучылар саны 280 меңгә җитте ", - дип ачыклык кертте ул.
Финанс белеме мәсьәләләре буенча квалификация күтәрү кысаларында мондый укыту педагоглар һәм укытучылар өчен үткәрелә. Берничә ел эчендә педагоглар җәмәгатьчелегенең бу темага кызыксынуы сизелерлек артты: әгәр 2018 елда курслар 600гә якын укытучы тыңласа, 2020 елда катнашучыларның саны җиде меңгә җитте.
ФИЦТО директоры вазифаларын башкаручы искәрткәнчә, заманча цифрлы технологияләр мәктәпләрдә финанс белеме дәрәҗәсен арттыру буенча дистанцион рәвештә дә, шулай ук көндезге форматта да белем алырга мөмкинлек бирә. Моннан тыш, әлеге юнәлеш буенча төрле яшьтәге укучыларга белем бирү контентын әзерләүдә РФ Финанс министрлыгы һәм РФ Үзәк банкы актив катнаша.