Немец теле буенча олимпиаданың төбәк этабында Казан һәм Чаллы мәктәп укучылары җиңүче булды
19 февральдән 23 февральгә кадәр Татарстанда немец теле буенча бөтенроссия олимпиадасының төбәк этабы һәм республика олимпиадаларының йомгаклау этабы узды.
Олимпиадада республиканың 8 муниципаль берәмлегеннән 103 гомуми белем бирү оешмасы укучысы катнашты.
Ярышлар язма текстны, лексик-грамматик тестны, иншаны аңлауга, бирелгән темага зур булмаган чыгыш ясауга биремнәрне үз эченә алды.
Немец теле буенча олимпиадада Казан федераль университетының Халыкара мөнәсәбәтләр институты тәрҗемә теориясе һәм практикасы кафедрасының мәртәбәле жюри эшләде.
Немец теле буенча республика олимпиадасының йомгаклау этабында Чаллыдан 77 нче гимназиянең 7 сыйныф укучысы Ольга Пастушенко җиңүче булды.
Немец теле буенча республика олимпиадасының йомгаклау этабында Казан һәм Чаллыдан 10 укучы призер булды.
Немец теле буенча бөтенроссия олимпиадасының төбәк этабында Казан һәм Чаллыдан 11 укучы җиңүче булды.
Немец теле буенча бөтенроссия олимпиадасының төбәк этабында Казан, Чаллы, Әлмәт, Алабуга, Түбән Кама, Питрәч муниципаль районнарыннан 33 укучы призерлар буларак танылды.