Тәрбиягә бала алган ата-аналар Мәгариф һәм фән министрлыгы белгечләре һәм ярдәм хезмәтләре белгечләре белән аралаштылар
1 мартта ТР мәгариф һәм фән министрлыгы һәм Тәрбиягә бала алган ата-аналарның “Без бергә!” төбәк иҗтиагый оешмасы инициативасы белән министрлык, гаилә коруга ярдәм итү үзәкләре вәкилләре республиканың тәрбиягә бала алган ата-аналары белән очрашты.
Очрашуның темасы: «Балаларны тәрбиягә алган гаиләләрдә аларның хокукларын һәм мәнфәгатьләрен яклау". Очрашу онлайн-режимда Zoom мәйданчыгында узды. Чарада Татарстанның 18 районыннан тәрбиягә бала алган ата-аналар, шулай ук 12 хезмәт күрсәтү белгечләре катнашты.
Тәрбиягә алган гаиләләрдә тәрбияләнүче балаларның законлы хокукларын һәм мәнфәгатьләрен яклау белән бәйле иң актуаль мәсьәләләр каралды. Тәрбиягә бала алган ата-аналарның суд приставлары белән хезмәттәшлек иткәндә килеп туган кыенлыклары; авыл җирлегендә «тар» белгечләр булмаганда ел саен диспансерлаштыруны узу проблемалары; тәрбиягә бала алган «күп балалы» гаиләләргә статус бирү турында; урта махсус уку йортларына кергәндә ятим балаларга ташламалар бирү турында сораулар яңгырады.
Мондый очрашуларны даими рәвештә опека һәм попечительлек органнары вәкилләрен чакырып үткәрү турында карар кабул ителде.