Иннополис университеты Идел буе федераль округы студентлары өчен InnoCTF киберкуркынычсызлык турнирына гаризалар кабул итә башлады

Анда биш кешегә кадәр команда белән Идел буе федераль округының югары һәм урта махсус уку йортлары студентлары  катнаша ала. Ярышлар 2 этапта узачак.

3-4 апрель – сайлап алу онлайн-туры. Катнашучыларга мәгълүмати куркынычсызлыкның актуаль юнәлешләре: криптография, стеганография, бинар файлларда зәгыйфьлекләр эзләү, һөнәри программалаштыру, компьютер криминалистикасы, челтәр беркетмәләре һәм веб-кушымталар аудиты буенча биремнәр чишәргә кирәк булачак. Квалификация нәтиҗәләре буенча топ-10 команда финалга узачак.

17-18 апрель – Иннополис Университетында финал. Анда катнашучыларга ИТ-югары уку йорты кампусында бушлай яшәү һәм туклану белән тәэмин ителәчәк. Үткәрү форматы сайлап алганнан соң анонсланачак.

Капитаннарга 1 апрельгә кадәр турнирда катнашуга гариза бирергә кирәк. Белешмәләр  һәм теркәлү өчен: http://innoctf.com/2021

Турнир югары уку йортының вузга кадәр белем идарәсе ярдәмендә ИТ-югары уку йортының CTF-клубы оештырды.