Укучылар өчен «Үлемгә каршы тордылар» Бөтенроссия батырлык дәресе узачак
3 март көнне Мәскәү вакыты белән 14:00 сәгатьтә Россия мәгариф министрлыгы ярдәме белән "Россия белән күрешү" халыкара медиапроекты кысаларында «Үлемгә каршы тордылар» Бөтенроссия батырлык дәресе узачак. Дәрес 2000 елда ВДВның 76 нчы Псков дивизиясенең 104 нче полкының 6 нчы ротасы батырлыгына багышланачак, ул бандит формированиеләрнең күп тапкырлар өстен көчләре алдында чигенмәгән.
Тула, Псков, Мәскәү һәм Татарстаннан туры эфирда хәрби хәрәкәтләрдә катнашучылар, һәлак булган хәрби хезмәткәрләрнең туганнары, патриотик һәм кадет сыйныфларында тәрбияләнүчеләр чыгыш ясаячак. Дәрес тамашачылары ветераннар оешмалары архивларыннан, шәхси архивлардан уникаль фотосурәтләр, видеоязмалар күрәчәк. Шулай ук 15 февральдән 2 мартка кадәр уза торган «Гасырларны узган рота» онлайн-викторинасына да нәтиҗә ясалачак. Җиңүчеләр «Гасырларны узган рота» китабы авторы Михаил Рыбчинский автографы белән грамоталар һәм китаплар алачак. Дәресне алып баручы – хәрби хәрәкәтләр булып узган төбәкләрдә эшләгән өчен Россия Федерациясе Хөкүмәте премиясе белән бүләкләнгән хәрби журналист Александр Сладков.
Көне һәм үткәрү вакыты: 3 март, Мәскәү вакыты белән 14:00 сәгатьтә.
Үткәрү форматы һәм урыны: http://www.svidaniesrossiey.ru/, https://www.ruy.ru/, http://www.dosaaf.ru/, https://www.museum-tula.ru/, шулай ук «Свидание с Россией» халыкара медиапроекты битләрендә, «Бессмертный полк России» хәрәкәте, Яшьләр берлеге социаль челтәрләрендә.
Карау өчен теркәлү таләп ителми.
Белешмә өчен
Дәрес Россия мәгариф министрлыгы, Россия Хәрби-тарихи җәмгыятенең Тула төбәк бүлеге һәм Тула хәрби-тарихи музее, Россия Хәрби-диңгез көчләренең Һава-десант гаскәрләре командованиесе, Милләтләр эшләре буенча федераль агентлык, Псков өлкәсе администрациясе, «Россиянең үлемсез полкы» хәрәкәте, Россия яшьләр берлеге, Россия армиясенә, авиациясенә һәм флотына ярдәм итү ирекле җәмгыяте, «Вымпел» төркеме» ассоциациясе, Россия Хәрби-диңгез көчләре ветераннарының гомумроссия иҗтимагый оешмасы, Россия Федерациясе ПМДУ мәгариф оешмаларында дини һәм этник экстремизмны профилактикалау үзәге, «КиТ» Кино һәм туризм үсешенә ярдәм итү коммерцияле булмаган партнёрлыгы ярдәмендә уздырыла.