2020/21 уку елына олимпиадалар һәм башка интеллектуаль һәм иҗади конкурслар исемлеге расланды
Россия Мәгариф министрлыгының «Интеллектуаль һәм иҗади сәләтләрне үстерүгә, физик культура һәм спорт белән шөгыльләнүгә сәләтләрне, фәнни (фәнни-тикшеренү), инженер-техник, уйлап табучылык, иҗади, физкультура-спорт эшчәнлеге белән кызыксынуны, шулай ук фәнни белемнәрне, иҗади һәм спорт казанышларын пропагандалауга юнәлдерелгән чаралар исемлеген раслау турында» 2020 елның 11 декабрендәге 715 номерлы боерыгы басылып чыкты. Исемлеккә төрле юнәлештәге 665 чара кертелгән.
Исегезгә төшерәбез, бу уку елыннан мәктәп укучылары олимпиадалары һәм аларның баскычлары исемлегенә кертелгән ярышлар, шулай ук бөтенроссия һәм халыкара олимпиадалар бу исемлеккә автомат рәвештә кертелгән.
15 мартка кадәр исемлеккә өстәмә тәкъдимнәр җыю ачылды. Гаризаларны рәсмиләштерү турында тулырак мәгълүмат элегрәк басылып чыкты.
Чаралар исемлеге ел саен мәгариф министрлыгы тарафыннан Россиянең яшь талантларына ярдәм итү буенча Милли координация советының эксперт төркеме белән берлектә раслана. Әлеге ярышларның йомгаклау этапларында җиңүчеләр һәм призерлар турындагы белешмәләр үзләренең сәләтләре булган балалар турында дәүләт мәгълүмат ресурсына кертелә.