«Ватанның яшь талантлары» фестивале төрле илләрдән катнашучыларны берләштерәчәк
Изге кенәз Александр Невскийның 800 еллыгына багышланган «Ватанның яшь талантлары» балалар һәм яшьләр иҗатының V Халыкара патриотик җыр һәм музыкаль әсәр фестиваленең сайлап алу туры башланды. Чарада Россиядән, шулай ук БДБ, Европа, Африка, Америка һәм Азиядән төрле яшьтәге мәктәп укучылары катнашачак.
Фестиваль өч этапта уза. Беренчесе, сайлап алу этабы 2021 елның 25 апреленә кадәр дәвам итәчәк. “Ватанның яшь талантлары” фестивале финалы – гала-концерт – Мәскәүнең Сугыш һәм Кораллы көчләр ветераннары йортының Кызыл Байраклы залында 2021 елның июнендә узачак. Лауреатлар Мәскәү шәһәренең иң яхшы концерт мәйданчыкларында чыгыш ясау, шулай ук профессиональ эстрада коллективлары әгъзалары булу мөмкинлеге алачак, аларның җитәкчеләре иҗади конкурс вакытында артистларны сайлап алу үткәрәчәк. Фестивальдә катнашу шартлары турында тулырак мәгълүмат – сайтта.
Белешмә өчен
Проектны оештыручылар – Изге Александр Невскийның "Хезмәтләр һәм Ватан өчен" орденының хәйрия фонды, "Ватан" Россия хөкүмәтнеке булмаган оешмалары берлеге, Россия Бәйсез профсоюзлар федерациясе, ветераннарның "Россия ветераннар берлеге" гомумроссия иҗтимагый оешмасы.