Зәй районы Федоровка авылы мәктәбен тәмамлаучылар аны торгызу белән шөгыльләнә башладылар
Төрле елларның чыгарылыш сыйныф укучылары кайчандыр көчле укытучылары белән бөтен республика буенча танылган Федоровка авылындагы мәктәпне торгыза башладылар. Алга таба биредә дә музей комплексы ачу планлаштырыла.
Уку йортын торгызу һәм аның педагоглары истәлеген мәңгеләштерү идеясе узган ел ук әлеге мәктәпне тәмамлап чыкканнар күңеленә килгән булган. 2021 елда аның тормышка ашыру башланды.
Бу эшнең башында торучыларның берсе – Валентин Атласов. Аның сөйләвенә караганда, аңа даими рәвештә укытучыларның сурәтләре, чыгарылыш укучыларының истәлекләре һәм мәктәп тарихы турында кирәкле башка мәгълүматлар белән хатлар килә.
"Иң мөһиме, безнең укытучыларның исемнәре тарих битләрендә калачак, мәктәп укучыларының очрашу өчен туган урыны булачак, истәлекләр үлмәячәк һәм бу диварларда яшәячәк. Бернәрсә дә онытылырга тиеш түгел ", – дип саный ул.