Татарстан Росгвардиясе Чернобыль атом электр станциясе авариясендә катнашканнар истәлегенә мәктәп укучылары өчен дәресләр үткәрде
Росгвардиянең хәрби хезмәткәрләре һәм ветераннары Казанда Чернобыль АЭСындагы һәлакәтнең 35 еллыгына багышланган мәктәп укучылары өчен дәрес үткәрделәр.
26 апрель – кешелек тарихында иң зур техноген катастрофа — Чернобыль АЭСы фаҗигасын искә алу көне.
Әлеге фаҗигале дата алдыннан Татарстан Республикасы буенча Росгвардия идарәсе вәкилләре республика мәктәпләре укучылары белән тематик дәресләр үткәрә.
Әйтик, росгвардиячеләр Казанның Киров районы «Хәрби-патриотик белем бирү үзәге – Анатолий Иванович Чехов исемендәге 67-нче номерлы мәктәп» укучылары белән очраштылар. 9 сыйныф кадетлары алдында Россия Федерациясе Федераль салым хезмәтенең Татарстан Республикасы буенча идарәсенең шәхси состав белән эшләү бүлеге башлыгы ярдәмчесе майор Александр Волков һәм Татарстан Республикасы ведомстводан тыш сак бүлекчәләренең иҗтимагый ветераннар оешмасы рәисе, отставкадагы милиция полковнигы Валерий Харитонов чыгыш ясадылар.
Александр Волков өлкән сыйныф укучыларына авариянең нәтиҗәләрен бетерүдә бүген Росгвардия составына кергән СССР эчке гаскәрләре актив катнашканлыгы турында сөйләде.
"Әгәр дә, үлем куркынычы булуга карамастан, атом янгынының үзәгенә атлаган йөзләгән мең кешенең батырлыгы булмаса, фаҗиганең масштабы тагын да зуррак булыр иде. Алар арасында шулай ук эчке гаскәрләрнең хәрби хезмәткәрләре дә бар иде. Радиоактив нурланышның нәтиҗәләре турында уйлап та тормыйча, алар югары куркыныч булган зоналарда кешеләрне эвакуацияләүне батырларча башкардылар, атом станциясе территориясе чикләрендә киртәләр кордылар, юллар салдылар, урамнар буйлап патрульлек ителәр», – дип билгеләп үтте майор Волков.
Офицер үзенең сүзләрен Россия Федерациясе Милли гвардиясе гаскәрләренең барлыкка килү тарихына экскурсия белән дәвам итте, көч ведомствосында хезмәт итү шартларына аерым тукталды. Ул балаларга Росгвардиянең хәрби уку йортлары һәм абитуриентларга куелган таләпләр турында җентекләп сөйләде. Росгвардияче яшьләргә сәламәт яшәү рәвеше алып барырга, ил тарихы белән актив кызыксынырга һәм киләчәк һөнәрне сайлаганда уйлап эш итәргә кирәклен киңәш итте.
Безнең төбәктә яшәүчеләр арасыннан Чернобыль авариясен бетерүдә катнашучылар санына кагылышлы статистик мәгълүматлар белән укучыларны ведомстводан тыш сак хезмәтенең ветераннар хәрәкәте җитәкчесе отставкадагы милиция полковнигы Валерий Харитонов таныштырды.
Безнең республикадан авария зонасына хезмәткәрләрне җибәрү 1986-1990 елларда гамәлгә ашырылды. Хәрби комиссариатлар линиясе буенча гына да 2 770 кеше җибәрелгән. Республиканың эре предприятиеләре һәм учреждениеләре дә читтә калмады. Татарстанлылар мондый катлаулы шартларда үзләренең гражданлык бурычларын намус белән үтәделәр», - дип белдерде Валерий Харитонов.
Отставкадагы офицер шулай ук балаларга республиканың хокук саклау органнарындагы элеккеге хезмәтенең нечкәлекләре турында сөйләде һәм аларга яхшы укуларын һәм теләсә нинди йөкләмәләргә җаваплы карауларын теләде.
Укучылар белән очрашу кызыклы һәм җанлы барды. Балалар чыгыш ясаучыларны игътибар белән тыңладылар һәм сораулар бирделәр. Уку йорты педагоглары росгвардиячеләргә очрашуга килүләре һәм үсеп килүче буынга патриотик тәрбия бирүдә актив катнашулары өчен рәхмәт белдерделәр.