Биология буенча БДИ булачак табибларны һәм галимнәрне әзерләүдә ничек ярдәм итә
Медицина белгечлекләре топка чыга: 2021 елда биология беренче тапкыр БДИ тапшыручылар саны буенча физиканы узып китте. Биология буенча имтиханны 153 мең бала тапшырырга планлаштыра. Аларның күпчелек өлеше документларны нәкъ менә медицина югары уку йортларына һәм факультетларга тапшырачак.
Экспертлар ышануынча, бу "ковид" вакыт таләбе генә түгел, бу тотрыклы тренд.
- Балаларның медицинага барырга теләге арта, ә пандемия бу трендка көч кенә өстәде, - дип фикер йөртә Н.И. Пирогов исемендәге РНИМУ фәнни эш буенча проректоры, биология фәннәре докторы Денис Ребриков. - Медицина төрле сәбәпләр аркасында күбрәк кызыксыну уята. Бу тотрыклы тармак, медицина белеме булган кеше теләсә кайсы очракта да кирәк булачак. Бездә, статистика буенча, конкурс та үсә, БДИ баллары да яхшыра.
Менә бюджетка кабул итү сыйфаты буенча Россия медицина югары уку йортларының 5 топы: Сеченов университеты — уртача БДИ баллы — 85.0, Н.И. Пирогов исемендәге РНИМУ — 83.2, И.П. Павлов исемендәге ПСПбГМУ — 82.1, СПбГПМУ — 80.9, Казан ДМУ — 80.7. Аларның өчесе шулай ук сыйфат буенча Россиянең барлык югары уку йортлары арасында "бюджеттан тыш" топ-20гә керә. Димәк, күп кенә медицина югары уку йортларында хәтта түләүле бүлеккә өчлегә укучылар эләкмәскә дигән сүз. Биология буенча БДИ югары уку йортларына иң әзерлекле абитуриентларны сайларга ярдәм итә.