Көллиятләрдә уку вакытлары үзгәрәчәк
Хөкүмәт урта һөнәри белем бирү системасын үстерүгә якын килүне күз уңында тоткан документлар әзерләде. Шул исәптән алар кабул итүнең контроль цифрларын формалаштыру методикасын, белгечләр әзерләү срокларын үзгәртүне, көллиятләрне ремонтлау һәм яңадан җиһазлауны һәм хезмәт базарына юнәлтүне үз эченә ала. Бу хакта мәгариф министрлыгы коллегиясендә вице-премьер Татьяна Голикова сөйләде.
- Без агымдагы чакырылулардан гына түгел, киләчәк чакырулардан да чыгып, СПОга эшче кадрлар әзерләү юнәлешен гамәлгә ашырырга тиеш, димәк, бу системаны үзгәртеп корырга тиешбез, - дип сөйләде Татьяна Голикова. - Бүген хөкүмәттә урта һөнәри белем бирү системасын үстерүгә якын арада тәкъдим ителәчәк алымнар әзерләнгән. Алар белгечлекләргә әзерлек срокларын үзгәртү, кабул итүнең контроль цифрларын билгеләү тәртибе, бу учреждениеләрнең матди-техник базасын үзгәртү һәм хезмәт базарындагы фараз белән һөнәри техник белем системасын тулысынча тәңгәлләштерүне күздә тота.
Мәгариф министры Сергей Кравцов билгеләп үткәнчә, басым белгечләр әзерләүне һәм төбәкләр ихтыяҗын синхронлаштыруга ясалачак.
- Узган ел без урта һөнәри белем бирү учреждениеләренең барлык программаларына җентекле анализ ясадык. Көллиятдәрдә программаның 30%ка якыны төбәк хезмәт базарлары ихтыяҗларына туры килмәвен ачыкладык, — дип билгеләде Сергей Кравцов. — Бүген бу юнәлештә үзгәрешләр кертәбез, ул 1 сентябрьгә тәмамланачак, максатыбыз – көллиятне тәмамлаган һәр кеше кирәкле һөнәрне алсын һәм үзен таба алсын, эшкә урнаша алсын өчен эшләнә бу эшләр.
Аның сүзләренә караганда, "Профессионалитет" проекты әзерләнгән: ул укыту срокларын 4 елдан 2 елга кыскартуны күздә тота. Моннан тыш, көллиятләр базасында узган ел пандемия вакытында эшен югалткан 110 мең кешегә яңадан укыту оештырылган иде.