Казанда «Mad Wave Challenge 2021» йөзү буенча Бөтенроссия ярышлары этабы тәмамланды
30 апрель – 2 май көннәрендә Казанда «Mad Wave Challenge 2021» Бөтенроссия йөзү ярышлары узды. Турнирда Россиянең 33 төбәгеннән 11 яшьтән 14 яшькә кадәрге 980 спортчы катнашты, шуларның 120се Татарстан Республикасы вәкилләре. Турнирда барлыгы ике яшь төркемендә 58 комплект медаль уйнатылды. Егетләр арасында иң титуллы спортчы 12 яшьлек Сергей Герасимов (Мәскәү) булды, ул 7 алтын медаль яулады. Кызларның иң нәтиҗәлесе – алты бүләк белән Ксения Суслякова (Санкт-Петербург) , шуларның өчесе алтын һәм өчесе көмеш.
Казан 2016 елдан Mad Wave Challenge ярышлары этабын кабул итә. Гадәттәгечә «Кыска аралы су» буенча ярышлар Идел буе дәүләт физик культура һәм спорт университеты территориясендә «Буревестник» УСК йөзү бассейнында уза. 2021 елда бөтен Россиядән йөзүчеләр ярышы өчен мәйданчыклар булып Мәскәү астындагы Руза шәһәрендә «Руза» су спорт төрләре сарае һәм Санкт-Петербургта «Невская волна» су спорт төрләре үзәге торачак, ул ярышлар этабын 2-3 октябрьдә кабул итәчәк. Казанда 5-6 ноябрьдә Mad Wave Challenge сериясе тәмамланачак.
Оешмага гомуми җитәкчелек һәм ярышлар үткәрү Россия Федерациясе спорт министрлыгы һәм Татарстан Республикасы спорт министрлыгы ярдәмендә «Бөтенроссия йөзү федерациясе» иҗтимагый оешмасы тарафыннан гамәлгә ашырыла. Ярышларны турыдан-туры уздыру «Татарстан Республикасы йөзү федерациясе» төбәк иҗтимагый оешмасына һәм «Спорт әзерлеге үзәге» автоном коммерцияле булмаган оешмасына йөкләнә.