БМО генераль секретаре Казанның 175 нче мәктәбендәге фаҗига белән бәйле рәвештә кайгы уртаклашты
БМО генераль секретаре Антониу Гутерреш һәлак булган Казан мәктәп укучыларының әти-әниләренең, шулай ук бөтен Россия халкының кайгысын уртаклашты. Бүген булган хәл — мәгънәсез көчләү акты, дип саный ул. Бу хакта генераль секретарьнең рәсми вәкиле Стефан Дюжаррик сөйләде.
"Генераль секретарь бүген Казан мәктәбе янында атыш нәтиҗәсендә тугыз кешенең, шул исәптән җиде баланың һәлак булуы турындагы хәбәрләргә тирән кайгы белдерде. Ул әлеге мәгънәсез көчләү актын катгый рәвештә гаепли һәм корбаннарның гаиләләренең, шулай ук Россия Федерациясе Хөкүмәтенең һәм халкының тирән кайгыларын уртаклаша. Ул зыян күрүчеләргә тизрәк һәм тулысынча савыгуларын тели ", - дип билгеләде ул.
Казанда бүген 175 нче гимназиягә кораллы һөҗүм ясалды. Җиде бала һәлак булды, тагын 18 укучы ату җәрәхәтләре һәм җәрәхәтләр алган. Мәктәп укучыларыннан тыш, фаҗига корбаннары арасында мәктәпнең ике хезмәткәре дә бар, тагын өч педагог Казан хастаханәләрендә.