"Карьерага юл" конкурсы финалистлары үз проектларын тәкъдим итә алды
14 майда МЕГА-Казан сәүдә үзәгендә "Эшкә хокук" федераль проекты кысаларында махсус белем бирү ихтыяҗлары булган балалар өчен "КАРЬЕРАГА ЮЛ" конкурсы финалы узды. Чара инициаторлары — Россиядә МЕГА сәүдә үзәкләре белән идарә итүче Ingka Centres компаниясе һәм «Перспектива» Россия инвалидлар оешмасы. Проектны башкаручы буларак Казанда "Шәһәр мәгариф үзәге" өстәмә һөнәри белем бирү мәгариф учреждениесе чыгыш ясый.
Финалда махсус белем бирү ихтыяҗлары булган 10 яшүсмер катнашты. Конкурс ТРЦ МЕГА-Казан территориясендә, проектның даими партнеры территориясендә узды.
Конкурс финалы — катнашучылар өчен юлның башы гына ул. Конкурска әзерләнгәндә проект кураторлары балаларга үз-үзләрен тәкъдим итү күнекмәләрен үзләштерергә, аудитория алдында чыгыш ясаганда үз-үзләрен ышанычлы тотарга, шулай ук үз проектын дөрес тәкъдир итәргә ярдәм итте. Финалда катнашучылар "Эшкә хокук" проекты барышында алган үз күнекмәләре турында максималь рәвештә һәм нәтиҗәле сөйли алдылар.
"Барлык балалар да бәйге финалында үзләрен грамоталы яшь кешеләр буларак күрсәттеләр. Без ышанабыз, бу чаралар аларга киләчәктә тормышларында үзләрен табарга ярдәм итәр, ә без, МЕГА партнерлары ярдәме белән, "Эшкә хокук" проектын алга таба шундый югары дәрәҗәдә үткәрә алабыз ", - дип билгеләп үтте Казанда инклюзив белем өлкәсендә әйдәп баручы укытучы Валентина Чернявская.
"Хисләр һәм тәэсирләр бик күп. Безнең тәрбияләнүчеләрнең үсешен күзәтергә, проектка килгәннән бирле аларның нинди зур юл узуларын, экскурсияләрдә, һөнәри пробаларда белем алуларын күрү бик кызык иде. Конкурс башында һәм ахырында бу яхшы мәгънәдә төрле кешеләр дип әйтергә мөмкин. Шундый проект эшләгәнегез өчен зур рәхмәт, - дип уртаклашты Диләрә Хәлиуллина, 7 нче интернатның тәрбия эшләре буенча директор урынбасары.